松藝館 (已結業)

喺讲食嘢之前，先不得不提一入门口𠮶个无敌大海景， 我哋夜晚嚟到一坐落去全玻璃遥望 尖沙咀码头对出夜晚嘅海景，真系冇得输！！好 讲返嘢食。 我叫咗个4 course嘅晚餐，加咗一份松露pizza，一份超级好食嘅cream sauce配焗薯，同埋一份甜品。晚餐套餐先来一份鲜甜醒胃配上新鲜松露嘅带子，分4件方便share。 带子食酪鲜甜并唔系一般嘅冰鲜货色亦没有任何雪味，配上少许松露增加味蕾刺激。主菜系安格斯牛配上新鲜黑松露， 牛扒我叫左5成熟。 牛扒处理得十分妥当，用松露油先煎香两边，火喉控制好，不失肉汁。而本身肉质亦都十分软淋肉味浓 ，十分之美味。 牛扒上嘅松露味不算突出唔会盖过牛扒本身嘅肉味。阔条面配上侍应系上台后即刻磨嘅黑松露，黑松露嘅香味由阔条面热淋淋嘅热汁一齐带出黎，真系好香！！！跟餐既墨汁意大利饭亦相当有惊喜！！ 意大利饭饭则煮到软硬适中较有咬口，浓浓嘅汤汁亦都煮哂入晒啲饭粒里面。最有惊喜嘅系焗薯仔，面头劲多芝士，咬落啲薯仔外面脆入面软，正！最后嘅甜品都系创意满分，佢嘅摆盘就系模仿黑松露喺泥土生长嘅环境，所以系黑色粉包住嘅芝士蛋糕，旁边𠮶两旧“蘑菇”系用糖霜造嘅，好特别！