影片
更多
2012-07-08
100 浏览
5月11日, 渡船街一带虽然几偏僻, 到处系旧楼亦都十分安静… 不过呢度都有好多卧虎藏龙嘅美食好似肠粉、越南法包咁~ 今晚我地嚟到呢条街, 充斥住烧烤味道, 左望右望全都系烧烤店, 但系店名差不多, 我地入咗呢间大大话话都有5间舖位嘅龙虾烧, 一心想试下佢地出名嘅烧龙虾~ 刚好有人走, 我地唔驶等位就有得坐, 坐低就有个呀姐问我地系唔系第一次嚟, 跟住又介绍我地龙虾生蚝, 太过hard sell喇…::: 调味粉 :::喺未嚟野食之前先讲咗d调味粉先, 因为食过其他地方嘅烧烤, 最多都系俾下d七味粉胡椒粉咁, 但系都冇呢度嘅调味粉咁特别~ 分别有花椒粉、孜然粉、味椒盐同劲辣粉, 每种粉都各有特色, 花椒粉会有麻麻嘅感觉, 孜然粉就有好香香料味, 味椒盐比较咸, 而劲辣粉当然系辣味, 可以因应个人喜好而加, 呢个就真系值得赞~ 个人觉得味椒盐味道最突出, 咸咸地加上胡椒味, 好能够配合烧烤嘅味道, 无论食乜加少少都好好味~ 其他调味都有齐麻、辣、香, 各有其色~::: 芒果芝士烧龙虾仔 ::: $68嚟得呢度唔叫烧龙虾, 点叫嚟过龙虾烧~ 呢度嘅烧龙虾分有好几个size, 小至$28,
::: 调味粉 :::
喺未嚟野食之前先讲咗d调味粉先, 因为食过其他地方嘅烧烤, 最多都系俾下d七味粉胡椒粉咁, 但系都冇呢度嘅调味粉咁特别~ 分别有花椒粉、孜然粉、味椒盐同劲辣粉, 每种粉都各有特色, 花椒粉会有麻麻嘅感觉, 孜然粉就有好香香料味, 味椒盐比较咸, 而劲辣粉当然系辣味, 可以因应个人喜好而加, 呢个就真系值得赞~ 个人觉得味椒盐味道最突出, 咸咸地加上胡椒味, 好能够配合烧烤嘅味道, 无论食乜加少少都好好味~ 其他调味都有齐麻、辣、香, 各有其色~
::: 芒果芝士烧龙虾仔 ::: $68
嚟得呢度唔叫烧龙虾, 点叫嚟过龙虾烧~ 呢度嘅烧龙虾分有好几个size, 小至$28, 大至$300多蚊嘅都有~ 我地叫嘅呢只系第三细只, 心谂应该都唔会太细只, 分2边每人都可以食到d~ 不过嚟到嘅龙虾都确实唔大只, 一人食一只都ok嘅, 不过2个人就有d唔够肉地… 食落肉质都叫新鲜, 不是实咗少少. 面头有一层烧㶶咗嘅芝士, 却一d都唔香, 芝士味有少少, 但系点样芒果法就唔知喇, 因为完全食唔出芒果味… 以招牌货嚟讲, 贵得嚟仲几失望…
::: 烧海大蚬 ::: $20 x 2
以为烧大蚬size都会有番咁上下, 点知又系好失望, 只系似花甲咁大只, 无乜肉地, 仲要$20一只, 超唔抵! 成只蚬都好实, 冇海鲜应有嘅鲜味, 只系好重蒜茸味, 盖住晒蚬嘅味道…
::: 蒜茸烧苏格兰蛏子王 ::: $33
虽然都唔系平, 不过呢个好食过大蚬~ 煮法都系同大蚬一样, 但系喺好重蒜茸味之中, 都仲食得出蛏子嘅鲜味, 同埋都几嫩口弹牙, 唔错~
::: 马来咖哩烧猪颈肉 ::: $14
呢个特色烧个咖哩味就唔太夹做烧烤, 咖哩味太浓又似港式𠮶只有辣冇香. 以致猪颈肉味唔够突出, 其实猪颈肉质地唔差, 如果食番普通烧烤应该会好味d.
::: 烧顶级安格斯肥牛粒 ::: $32
呢个肥牛粒都确实几肥, 所以有肥油肉汁标出嚟都算系唔错~ 有烧烤嘅香味, 不过牛味可以浓d就更好~
::: 烧皇牌羊肉 ::: $13
叫皇牌但系味道麻麻, 唔够香料味令到个羊肉有d膻, 所以要自己再狂加调味粉去遮住羊膻, 另外羊肉好干, 咬落都冇乜汁… 小肥羊好食过佢好多.
::: 烧牛脷 ::: $13
烧牛脷用上厚切, 增加咗个口感, 咬开有一丝丝嘅牛脷, 亦都几弹牙~ 不过火喉好似过咗龙, 面头烧得少少㶶, 肉质亦比较干.
::: 烧原条生烧茄子伴葱花蒜茸 ::: $24
烧茄子喺呢类中式烧烤店一定唔少得, 用上大量油同埋蒜茸同葱花呀咁, 都真系好难唔好食~ 当然呢个都唔例外, 索咗唔少油嘅茄子有软绵绵嘅质感, 撕开一丝丝嘅茄子, 有丰富嘅蒜茸味, 唔错~
::: 烧娃娃菜 ::: $12
烧娃娃菜好普通, 切开半棵娃娃菜, 分2边嚟烧, 份量少得可怜… 个甜甜地嘅汁都好唔衬个菜, 怪怪地…
::: 烧蕃薯片 ::: $12
蕃薯烧出嚟好够淋, 好似我地平时烧野食𠮶d烩蕃薯~ 够淋嘅质地加上又好够甜, 本身已经好够味, 但系唔知点解又要加蜜糖. 有d多咗d…
::: 冰冻竹蔗茅根水 ::: $10
呢杯野$10但系唔系好大杯, 只似系纸包饮品嘅份量. 食bbq当然想饮杯够冻嘅野解下渴, 但系要说冰冻亦都唔够, d冰好快融晒但系杯野都唔算冻… 味道算天然系佢唯一嘅好, 淡淡嘅竹蔗味, 好似少甜咁, 都几清甜~
龙虾确实系令人失望嘅, 太细只嘅size唔会好多肉, 要食就要食过$100𠮶d先可能会好d啦. 但系随意落调味粉就可以配合客人口味, 食其他烧烤都未见过~ 不过价钱都系略为贵咗d, 可以一试, 但有大把餐厅好味过佢地嘅, 我地都唔系成日食烧烤, 要食嘅都会尝试其他~
张贴
