榮華南洋冰室

营业中

休息中

呢間茶記算係近排最愛，幫襯過幾次，都係下午茶時間，佢啲茶餐選擇好吸引，每次到下午茶時間都會諗起佢，真係食過返尋味，包括人情味，見佢哋啲員工好似一家人咁，所以除咗食物好味，個感覺都好舒服！我order咗個南洋特色常餐，5:30前仲可以平$10，我叫咗黃薑雞扒湯金邊粉，仲有配埋炒蛋，香腸，火腿，兩片牛油多士，仲有杯凍檸茶，勁多嘢食，好滿足！好欣賞佢嘅黃薑雞扒，醃得好入味，上面仲有啲炸蒜片，再加埋啲芽菜生菜，係好味嘅！