玖五牛肉麵 (已結業)

终于食左最索千金超莲系台湾引入嘅牛肉面店啦。招牌入面有牛筋牛肉同埋牛肚,每样都非常之入味同软淋,轻轻咬下就已经化开。面质好似日本拉面咁有得拣软硬度,个人比较钟意食硬嘅面质。红烧汤底啱晒重口味嘅我,用左大量牛骨同药材熬煮而成,牛肉味浓郁,而且食完唔会口渴。虽然蕃茄汤底系香港限定囗味,但系相对红烧口味就较为失色,牛肉味道依然但就较为清甜D。麻辣臭豆腐上枱散发出对于我来讲就好香嘅臭豆腐味,但食落相对麻辣味比较突出,而且亦够嫩滑入味。当然唔少得要试下连谢霆锋都大赞好味嘅卤水猪耳,入味得黎带有微爽。另外一款小型食叫做豆鱼,系用咗腐皮包住芽菜再配上香浓嘅芝麻酱,食落清爽。