天空虎嘯

营业中

休息中

嚟到呢间位于天后嘅【天空虎啸】，同啱啱从日本返嚟嘅细佬食个丰富嘅晚餐。餐厅嘅装修非常高尚，打卡影相真系好靓。最令人眼前一亮嘅系餐厅喺26楼，可以一边食晚餐一边享受迷人嘅景色。【阿拉斯加长脚蟹龙虾海鲜蒸气刺身套餐】里面嘅海鲜真系超新鲜，令人食指大动。刺身头盘已经令我哋两个惊艳。里面有我最钟意嘅赤身、北海道带子等等，每一款都好新鲜，等紧你哋嚟试食🤤🤤阿拉斯加长脚蟹🦀我同细佬食到好过瘾，长脚蟹嘅肉质厚实，入口弹牙，唔会干柴。鲜北海道北寄贝色泽艳丽，贝肉饱满，口感极佳！龙虾汤蒸蛋配蟹肉一勺子挖落去，蟹肉同蒸蛋嘅口感十分爽滑，真系令我惊艳😍。芝士樱花虾鲍鱼满满嘅芝士，再配埋鲜甜多汁嘅鲍鱼，真系难以抗拒啊！对佢爱不释手！伯爵茶蛋糕🍰伯爵茶嘅香味加上软绵嘅蛋糕，简直perfect！细佬仲话下次一定要带爸妈嚟试吓，保证佢哋一定会钟意。