雞翼山 (T.O.P This is Our Place)

营业中

休息中

一直好想试鸡翼山但都冇去过，有次去左某酒店staycation，package内包左6只鸡翼山避风塘鸡翼，男友试完翻唔到转头，于是我代佢黎试其他三只味😂我分别嗌左4只咸蛋黄，4只南蛮他他同4只文青风玫瑰，4只既价钱都系$38，算系中上价钱，但就真系好食到食上瘾，食到有次call外卖平台送去九龙塘🤫🤣佢全部鸡翼都系即整，所以等候时间会耐少少，可以拣要叉或者手套，舖头唔知系咪冇冷气所以都几热下，但为左鸡翼，值得既🤣先讲咸蛋黄，基本上系热到揸唔住只鸡翼，但真系好香好入味，阵味似咸蛋黄虾碌👍而南蛮他他系偏甜既，但唔会太腻，中和左咸蛋黄既咸，感觉比较清新，他他酱系冻既，所以今次揸得住只鸡翼喇😆最后系文青风玫瑰，我本身麻麻地玫瑰，但呢款唔会太浓玫瑰味，而且都系偏甜，所以平时唔太中意玫瑰既都可以试下！不过店内卫生麻麻，吧台位置一直冇人抹枱，亦有小昆虫出现，希望舖头可以留意翻！