影片
更多
2023-12-27
127 浏览
最近食过性价比最高嘅餐厅一定系呢间，由沙律头盘到主菜甜品，样样嘢都好好食， presentation又靓，味道又恰到好处，除咗食到食材嘅鲜味同埋原有味道之外，厨师嘅触角、创意同调味，完美升华咗搭配过嘅食材，令本身已经好好食嘅菜式，再上到另一个层次，最令我意想不到嘅系价钱真系好好好好好合理。当晚食过而有最推荐嘅菜式：三层海鲜塔，有帆立贝、蟹饼、红虾，食材新鲜好食，又啱打卡，竟然只系hkd158。我当晚食紧𠮶阵，已经即刻share俾我啲朋友，叫佢哋一定要嚟试。个羊架都好出色，佢唔系𠮶啲剩系得肥膏嘅羊架，肥瘦均匀，肉质鲜嫩，一食就知唔系比较高质嘅货源，羊架上面嘅炸蒜，调味恰到好处，增添咗羊架嘅口感，同出面其他地方用炸面包糠嘅羊架好唔同。最重要系呢个set有沙律有串烧有羊架加埋甜品心太软，都唔使hkd300。讲开个set真系要讲吓个沙律，焦糖无花果加新鲜嘅蕃茄仔同蔬菜，厨师用无花果在自制个沙律汁，份量多到好似个正餐咁，我同朋友食晒同埋系咁赞好食。单点叫咗个烟熏石垣牛，4oz定价hkd368，钟意食牛嘅朋友唔使谂，去到嗌就得，一定唔会投诉。疏乎厘同心太软都好高质。已经写到好长，真心推荐大家自己去
由沙律头盘到主菜甜品，样样嘢都好好食， presentation又靓，味道又恰到好处，除咗食到食材嘅鲜味同埋原有味道之外，厨师嘅触角、创意同调味，完美升华咗搭配过嘅食材，令本身已经好好食嘅菜式，再上到另一个层次，最令我意想不到嘅系价钱真系好好好好好合理。
当晚食过而有最推荐嘅菜式：
三层海鲜塔，有帆立贝、蟹饼、红虾，食材新鲜好食，又啱打卡，竟然只系hkd158。我当晚食紧𠮶阵，已经即刻share俾我啲朋友，叫佢哋一定要嚟试。
个羊架都好出色，佢唔系𠮶啲剩系得肥膏嘅羊架，肥瘦均匀，肉质鲜嫩，一食就知唔系比较高质嘅货源，羊架上面嘅炸蒜，调味恰到好处，增添咗羊架嘅口感，同出面其他地方用炸面包糠嘅羊架好唔同。最重要系呢个set有沙律有串烧有羊架加埋甜品心太软，都唔使hkd300。
讲开个set真系要讲吓个沙律，焦糖无花果加新鲜嘅蕃茄仔同蔬菜，厨师用无花果在自制个沙律汁，份量多到好似个正餐咁，我同朋友食晒同埋系咁赞好食。
单点叫咗个烟熏石垣牛，4oz定价hkd368，钟意食牛嘅朋友唔使谂，去到嗌就得，一定唔会投诉。
疏乎厘同心太软都好高质。已经写到好长，真心推荐大家自己去试吓。
当晚食过嘅所有嘢都好惊喜同埋好味，我即晚已经介绍咗俾身边嘅朋友，有两个朋友已经试咗，都话好好食一定会再返去，我自己当然都会再返去，仲有太多菜式未试。呢篇唔系广告，去试吓你就明点解我话呢间餐厅咁值得食同埋性价比高，我敢讲呢间餐厅好食过好多贵佢一两倍嘅fine dining。如果佢成千蚊位，我觉得佢有呢个质素系合理，但系如果两个人食，呢个份量质素摆盘同服务，埋单每人唔使hkd500 ，今时今日喺香港尖沙咀，呢间真系大推。一间用心制作嘅餐厅同团队真系好值得一个你去试吓嘅机会，又好食又抵食嘅餐厅真系买少见少，最后我希望佢哋可以保持水准，长食长有。
14 浏览
0 赞好
0 留言
张贴
