度 (已結業)

竟然俾我係銅鑼灣鬧市中搵到間好和諧而且藝術氣氛非常濃厚嘅cafe🤍可以一路欣賞藝術品一路Enjoy早餐，心情超靚💓又講下食物先🥚All Day Breakfast 🍳🥓一次過滿足你既靚靚超大早餐，有烘得啱啱好既酸種麵包，配上香滑既牛油，每一啖都好香好脆口，重有整得勁好嘅炒蛋🥹，炒得好滑好好味，重有煙肉同香腸，煎得啱啱好，兩個都好香，一食就知唔係Hea整，仲有煙三文魚🤤，最後仲有炒磨菇(食唔停口🥹)同埋新鮮沙律菜。🥗🍝虎蝦番茄扁意粉🍤一入口就有好重既海鮮同番茄味，扁意粉非常掛汁完全吸晒虎蝦既鮮味同濃郁既番茄味，而且煮得軟硬度啱啱好，食落彈牙好有口感。虎蝦超大隻，好新鮮，超好食🥹☕️話梅咖啡完全震驚，估唔到咁好飲，店主介紹係用咗香港老字號嘅話梅，話梅味超濃，但係唔會過酸，反而帶甜，酸酸甜甜超解膩，最神奇係雖然話梅味好濃但冇蓋過咖啡味，反而係變成一種獨特嘅味道🥹💓🍸irish coffee酒味比較濃，但係嗰酒味好醇，唔會蓋過咖啡味，雖然帶苦但係完全唔難入口，不過飲唔到酒嘅寶寶就唔好試啦🤣😂🤍店主重分享咗佢哋定期搞唔同嘅展覽，同埋同不同嘅慈善團體合作，唔止環境好食物好重非常有社會責仼💓💓假期係咁