草民 (已結業)

介绍返呢之前食嘅尖沙咀cafe先~ 呢间cafe最出名就系室内草地，一秒影出野餐感！🌿虽然坐到草地corner，但可惜我系夜晚去，影唔到自然光呢，不过食物背景系草地都几特别嘅~成晚最钟意一定系抹茶心太软， 抹茶味浓得嚟唔会太over，一切开就流心令人心情愉悦。暖笠笠嘅心太软配vanilla雪糕，好味！孜然鸡翼亦都冇令人失望，超级热辣辣，肉嫩唔dry。主菜拣咗黑松露酱贝柱芝士意大利饭同茄汁鲜虾青囗扁意粉， 意大利饭做到al dente，有意大利餐厅出品嘅口感，意粉几开胃，但整体海鲜只系普通，食完冇印象。我觉得配肉好似会好食啲。其实去之前我睇咗几十个食评，好彩做足功课，嗌𠮶啲全部都唔错！因为已经隔咗好耐，所以menu可能唔同咗喇，不过我相信抹茶心太软同鸡翼应该都重喺度嘅！👅PS Grassman专属咖啡拉花，好得意。