發哥粥底海鮮火鍋 (已結業)

几年冇食过粥底火锅突然心血来潮想食下就揾到呢间发哥海鲜粥底火锅店试下佢地鲜味至极既海蟹餐除左海蟹同海鲜拼盘仲有冰震鲍鱼或都新鲜鲍鱼二选一（个人推介冰震鲍鱼）仲可以另外拣多8样𩠌连埋头盘等食物就算唔系任食都劲饱肚先黎一个姬松茸炖鸡汤用料高质好滋补汤面冇油㗎啱晒贪靓既女士同养生一族头盘有泰式焗青口非常惹味而冰震鲍鱼就非常鲜甜爽口有埋芝麻酱可以点黎到重头戏粥底火锅蟹好新鲜肉多而鲜甜蛏子系黎自新西兰既碌十几秒就食得清甜爽口又完全唔硬美味至极鲍鱼系生既放入锅前一刻都仲识跳舞碌几分钟就够晒弹牙蚬都识郁而且完全冇沙带子大大粒碌三几分钟就够拼盘仲有多宝鱼，虾等等净系佢地已经令汤底够晒鲜味仲有安格斯牛肩肉靓部位肉质软滑正呀八款自选配料拣左日本黑豚肉，滑牛肉，蟹柳，滑鸡肉，鱼皮饺，油麦菜，顺德酿东菇，自家制虾滑由于粥底火锅易黐底记得间唔中搅下个底呀食完晒啲𩠌见到粥底已经唔同色意味住已经吸晒海鲜同其他美食既精华加饭底落去煮一煮就食得个粥好似浓汤咁鲜甜到难以形容只有靓海鲜先煲到咁甜既粥另外，餐厅有自家制竹庶茅根水又有汽水任饮钟意啤酒既可以系出面外带入黎店主够晒佛心呀食完同行者话要带嫲嫲再黎食我亦都想带朋友再试