影片
更多
2024-06-12
150 浏览
happy Friday又系食鸡煲，然后我老公劲钟意食烤鱼，终于俾我哋揾到一间二合一嘅店，正呀喂👍😍 呢度个烤鱼鸡煲套餐，价钱真系亲民到离晒地，讲紧唔使$300人头已经可以任食四款烤鱼味道，讲紧每款味道，叫一条都仲得𠮶只，So crazy！仲可以鸡煲无限refill，呢度仲有猪手煲同埋牛尾煲，我谂真系要大胃王先至可以食晒咁多种味！不过呢度最长7小时任食，真系如果时间够嘅话都可以试晒咁多款😂如果惊食唔晒咁多份量，样样都想试少少嘅话，呢度都可以选择嗌半份鸡煲或者半份牛尾煲等等，咁都几好㖞！我就食咗鸡煲啦，呢度可以选择要定唔要芫荽，我系芫荽控梗系要劲多芫荽啦！呢度采用BB鸡，鸡肉够晒嫩滑，只鸡翼仔好鬼细只，好得意，仲好好味㖭！而且鸡肉好入味，麻辣又够香，唔会系死辣𠮶啲，完全唔似放题，相当有质素！四款烤鱼味道之中，我哋拣咗香酱味，呢款味道系唔辣嘅，就系酱油汤底，然后有好多芫荽同芝麻，唔辣嘅话，可以更加食到鱼肉嘅纯粹。拣咗清江鱼，鱼大概斤零重，原来清江鱼系咁滑咁好味，本身鱼已经煎过再放汤，鱼肉竟然可以好似豆腐花咁滑，超神奇又好味！汤底本身有豆卜同埋莲藕，记得食埋，吸晒啲酱汁真系好入味！经过我哋反
呢度个烤鱼鸡煲套餐，价钱真系亲民到离晒地，讲紧唔使$300人头已经可以任食四款烤鱼味道，讲紧每款味道，叫一条都仲得𠮶只，So crazy！仲可以鸡煲无限refill，呢度仲有猪手煲同埋牛尾煲，我谂真系要大胃王先至可以食晒咁多种味！不过呢度最长7小时任食，真系如果时间够嘅话都可以试晒咁多款😂如果惊食唔晒咁多份量，样样都想试少少嘅话，呢度都可以选择嗌半份鸡煲或者半份牛尾煲等等，咁都几好㖞！
我就食咗鸡煲啦，呢度可以选择要定唔要芫荽，我系芫荽控梗系要劲多芫荽啦！呢度采用BB鸡，鸡肉够晒嫩滑，只鸡翼仔好鬼细只，好得意，仲好好味㖭！而且鸡肉好入味，麻辣又够香，唔会系死辣𠮶啲，完全唔似放题，相当有质素！
四款烤鱼味道之中，我哋拣咗香酱味，呢款味道系唔辣嘅，就系酱油汤底，然后有好多芫荽同芝麻，唔辣嘅话，可以更加食到鱼肉嘅纯粹。拣咗清江鱼，鱼大概斤零重，原来清江鱼系咁滑咁好味，本身鱼已经煎过再放汤，鱼肉竟然可以好似豆腐花咁滑，超神奇又好味！汤底本身有豆卜同埋莲藕，记得食埋，吸晒啲酱汁真系好入味！经过我哋反转成个煲，连啲鱼骨都啜干净之后，发现已经差唔多饱咗😂
少少哋点咗一份牛板腱和猪颈肉，另外自助区可以自选多款丸类和蔬菜，肉类质素唔错，蔬菜亦都好新鲜！
饮品方面都系任饮嘅，除咗有乌龙茶、柠檬茶𠮶啲之外，重点推介呢款芦荟菠萝汁，出边未见过，然后劲好饮，除咗非常清新菠萝味之外，里面劲多有粒粒芦荟，唔太甜，饮起嚟非常凉爽！
张贴
