紅館 (擺花街) (已搬遷) 新店位置

以为中环食野点都衰极有限，点知原来都系会伏，仲要系我人生中食过最难食既野其中之一。盒饭最后我食净半盒扔左，因为肚饿我先食左一半白饭平时食野我系一粒饭都唔会净，第一次写食评就系为佢而写。好入返正题，呢间西餐厅好多好评，见佢lunch有外卖套餐饭加汤加野饮七十二蚊算系咁啦。汤同野饮绝对无问题，好啦个饭先系重点。首先个饭有咩料呢？芝士，洋葱粒，三四只蓝青口，几条鱿鱼。下？唔系话焗海鲜饭咩？得几只青口仔同鱿鱼粒，不如改个名叫芝士焗蓝青口鱿鱼饭啦。再黎系个芝士同汁，打开盖啲芝士仲系成块咁未溶哂，个汁仲离谱，好似用普通生粉开咁，又杰又透明既？就算你揾生粉洗啲鱿鱼同青口都唔系咁呀麻？以为个饭系焗唔？最神奇系个饭仲热架㖞，拎外卖走之前店员仲好贴心同我讲小心个饭好热，呢样我比返1分你啦，其余99分比个饭扣哂，呢间野无下次！