影片
更多
2016-12-25
664 浏览
今日同女朋友谂住系湾仔揾间好嘢食，经过呢间铺嘅时候望落都ok，冇search过就入咗去，食完就后悔啦。一入去比咗张厨房枱我哋，一大阵漂白水味，极唔开胃，就要求转枱，侍应嘅态度就开始恶劣。我哋叫咗个二人套餐，好快上咗一个沙律俾我哋，不过由于份量少，所以我问一下侍应系咪有两个沙律，佢就话 “吓，你系咪叫咗一个二人餐呀，一个餐就梗系得一份沙律架啦”，语气同态度极为恶劣，之后睇到啲菜好唔新鲜，所以掂都冇掂过。之后上咗两个白汤，根本只系用粉开嘅汤，好似加咗少量打碎咗嘅nuts就冇其他汤料。到主菜，叫咗一份肉眼同巴马火腿意大利幼面，肉眼大约都算系五成熟，但表面部份煎到硬咗，茶记水准。薯仔系配菜，只系白烚加上芝士同调味料系面，仲要上到枱有几旧变咗薯蓉，烂晒，食落毫无味道，只有少少芝士味。另外个意粉，一攞起个碟，只手就feel到有油，一啲都唔干净，为求快啲食完就走嘅我哋都冇叫佢换啦，卖相还可以，不过火腿就好似街边极平嘅一样，连平时系超市买嘅都好食过佢。最后到饮品同甜品，我从未试过咁难饮嘅冻柠茶，味道系龟苓膏一样，饮咗一啖就放弃咗。个甜品系焦糖炖蛋，卖相一啲都唔好，一食落就知预早整落。如果你有睇晒我所讲
一入去比咗张厨房枱我哋，一大阵漂白水味，极唔开胃，就要求转枱，侍应嘅态度就开始恶劣。我哋叫咗个二人套餐，好快上咗一个沙律俾我哋，不过由于份量少，所以我问一下侍应系咪有两个沙律，佢就话 “吓，你系咪叫咗一个二人餐呀，一个餐就梗系得一份沙律架啦”，语气同态度极为恶劣，之后睇到啲菜好唔新鲜，所以掂都冇掂过。之后上咗两个白汤，根本只系用粉开嘅汤，好似加咗少量打碎咗嘅nuts就冇其他汤料。
到主菜，叫咗一份肉眼同巴马火腿意大利幼面，肉眼大约都算系五成熟，但表面部份煎到硬咗，茶记水准。薯仔系配菜，只系白烚加上芝士同调味料系面，仲要上到枱有几旧变咗薯蓉，烂晒，食落毫无味道，只有少少芝士味。
另外个意粉，一攞起个碟，只手就feel到有油，一啲都唔干净，为求快啲食完就走嘅我哋都冇叫佢换啦，卖相还可以，不过火腿就好似街边极平嘅一样，连平时系超市买嘅都好食过佢。
最后到饮品同甜品，我从未试过咁难饮嘅冻柠茶，味道系龟苓膏一样，饮咗一啖就放弃咗。个甜品系焦糖炖蛋，卖相一啲都唔好，一食落就知预早整落。
如果你有睇晒我所讲嘅嘢，就千祈唔好食呢间嘢，因为唔好食又唔抵，去隔离茶记好过。
张贴