珍姐海鮮火鍋飯店

营业中

休息中

本来以为食物高质，点知服务质素更令人难忘。好耐未试过成餐饭食得咁开心，食客、员工、老板打成一片，冇谂过今时今日嘅香港仲有咁有人情味嘅餐厅，全程播经典怀旧金曲，仲以为自己喺K房打边炉。第一次去完第日即刻已经再book，今次系第二次去，水准继续保持。今次试咗猪骨蚬煲，净系个锅都好足料，一来到即刻饮返啖汤，非常浓郁，火锅料渌落去都唔使蘸酱已经好够味，完全突出哂食材嘅原味道。海鲜方面亦非常新鲜，虽然有啲蚬比较瘦，不过都好鲜甜，同埋最紧要冇沙。牛肉唔使讲，新鲜有肉味，第一次去建议叫扇牯牛皇，可以试多啲唔同部位。因为中意食油花多嘅部分，encore多碟胸签，虽然冇和牛入口即溶，但系油香同肉味更平衡，食多都唔会腻。一拎出来个个都哗哗声，即叫即炸，无理由唔脆啦。邪恶鹅粉肠，冒住胆固醇超标嘅风险都一定要食。