Metal Steak (已結業)

身为牛魔王嘅一份子, 当然唔会放弃任何一个可以食牛嘅机会。今日同朋友系上环行完街, 走到歌赋街呢间Metal Steak, 满足自己口腹之欲!去到餐厅门口, 先点左自己想食嘅肉类款式。我见到有A4和牛西冷, 当然就会拣佢为我嘅晚餐啦。而我朋友就中意食猪扒, 就选取左西班牙黑毛猪配虎虾。谂好食咩之后, 就系厨房呢个窗口位同厨师讲想要边款, 同埋份量多少。厨师亦都会跟你想要, 手起刀落切出想要嘅份量。厨师切好之后, 就准备系放上炉烧熟。熊熊烈火下, 当然会为猪扒同牛扒带黎令人吸引嘅香烤感觉。我地见差唔多烧好, 就上楼上雅座, 坐定定, 等食好野!整间餐厅都系类似酒吧吧枱嘅形式, 让顾客一边品尝美食, 一边与朋友闲话家常。而枱上系有各样嘅调味料, 包括薄荷汁、黑醋、芥末, 但系我地为左品尝肉食最真、最原始嘅味道, 决定任何调味料都唔落。唔驶等好耐, 侍应就用铁板奉上我地刚才order嘅食物。首先系西班牙黑毛猪配虎虾, 虎虾嘅份量相当巨大, 而且虾膏十足, 虾肉新鲜而结实, 系一个非常好嘅开始! 而西班牙黑毛猪我地拣左5成熟都唔驶怕, 因为餐厅已经有相对应嘅卫生证明。而事实证明, 5成熟嘅黑毛