瀛窩居

营业中

休息中

天气有啲凉，好想食热野，行到呢间店面前，见到佢嘅餐牌有锅物，而且价钱适中，就入咗去试吓。店舖入边嘅环境都舒适，而且有一啲日式嘅摆设同画，几靓。欣赏呢间店上食物嘅速度，唔使等好耐就有得食😋我叫左泡菜豚肉锅定食，有个迷你炉。豚肉味道坦白讲因为冇腌过所以冇乜味，要靠汤底同泡菜，但加起来一齐食就好味好多！汤底几好饮(我中意饮汤底)🤣！另外仲有一只蛋，同一碗饭。碗饭都真系用珍珠米嘅，而且俾得好大碗👍🏻价值$68，我觉得唔错！另外追加咗个明太子芝士玉子烧，卷得几平均，好味，而且比好多件，食唔哂哈哈。追加价值$42。由于迟咗去食，差不多到餐厅嘅落场时间，虽然我食得慢但系店员都冇赶我走，觉得态度值得加分👏🏼下次有机会想再试吓其他食物。