蘇媽.蘇媽馬來西亞茶餐室 (已結業)

今日去附近睇艺术展，就特登早D 去排队等，好在只系等左半个钟多 D，门面由内到外都充满左马来西亚风味，即刻好感度提升。我地一行两人叫左三样嘢都几饱。1. 咖央多士多士烘得外脆内软不在话下，内里咖央酱嘅浓味简直令我回想去旅行嘅回忆，而又唔腻。2. 肉骨茶叫左一字骨，男朋友觉得性价比高，有得食下肉之余又可以吮下骨，啲肉汤同药材味平衡得好好，添饮仲唔洗钱添！3. 传统老鼠粉感觉好似韩式石头饭，热辣辣奉上，有好多配料，我最钟意嘅就系 D 鱼仔同肉碎，当然仲有豉油，捞埋老鼠粉，好好味呀。4. 椰汁斑兰冰呢样嘢好新奇呀，顾名思义椰汁+斑兰，仲有西米，估唔到系斑兰可以饮！总结：值得再战，试下其他菜式！