悅素

营业中

休息中

一入店舖，充满Figure 的饰柜真系好壮观 😄。套餐有头盘沙律。我地拣咗地中海沙律，入面有啲藜麦，加埋黑醋酸酸甜甜但唔呛喉，唔错。主菜系忌廉磨菇意粉（原本想拣酸种包多士，但生痱滋都系食意粉好啲 😆），虽然系忌廉但食落都唔算好漏，份量比想像中多，一般OL 或普通男士都够食嘅。侍应好细心，会确保我地食完沙律先上主食，咁就唔会搞到成枱都系一碟二碟，啲野食又唔会冻鬼哂 👍。我地仲叫咗小食：素鸡腿，外皮脆脆地再加埋黑醋酱，原来都几夹。😋😋。个餐仲有细细杯嘅甜品：菠萝椰奶奇亚籽布甸，奇亚籽有助消化。食完成个 set 都真系好饱好满足🥰，其实都几抵食。最特别系可以半价拣水克非尔蜜桃茶 👍。不过我觉得甜咗少少，但系佢加咗1块薄荷叶入去，成杯水克感觉清新咗，唔错！一定会再去 👍👍