影片
更多
2021-06-12
120 浏览
呢一间系去之前，无啦啦又抽起条根想book其他嘅鮨店，睇食评同埋睇关注组又睇挨猪，每次想拣餐厅去，都可能浪费个几钟，跟住望住时间又三点几打唔到电话又谢左。🤣系去呢间之前想book埋元朗既寿司源，但又惊，因为元朗嘅一间都冇试过，舍利鮨会系第一试，都系忍手试埋呢间先决定去唔去元朗其他嘅（因食过几间尖咀既......谂起中环系中环🤭，元朗会唔会......）六月仲有两间会试，系港岛既鮨佐濑同鮨燐。系wasp book 位，见佢有话有special lunch omakase ，book呢个俾另一半，佢少机会自由食野食到几点。同埋佢叫嘢嘅习惯，都系叫个餐牌入边最贵𠮶个餐，左睇右睇决定都系最贵𠮶个😑。我系叫咗佢$500蚊15件嘅寿司set，因为同另一半去，我食唔晒佢会帮我食，先够胆叫15件。我知自己12/13件差唔多饱。食第一件，呢度嘅寿司唔算大件，鱼料同醋饭嘅比例都好好，唔会赵晒啲饭旧鱼仲未食晒鱿鱼切成粒状，易赵鲜甜、甜虾配花生酱都几得意，呢啲算系有心思嘅位，因为食落系少少似食紧虾膏咁。赤身太干身，唔系好掂（后尾睇返不同渠道既食评都有讲呢样，以为得我自己觉得）轻炙既金目鲷好正，佢真系轻轻炙左鱼
呢一间系去之前，无啦啦又抽起条根想book其他嘅鮨店，睇食评同埋睇关注组又睇挨猪，每次想拣餐厅去，都可能浪费个几钟，跟住望住时间又三点几打唔到电话又谢左。🤣
系去呢间之前想book埋元朗既寿司源，但又惊，因为元朗嘅一间都冇试过，舍利鮨会系第一试，都系忍手试埋呢间先决定去唔去元朗其他嘅
（因食过几间尖咀既......谂起中环系中环🤭，元朗会唔会......）
六月仲有两间会试，系港岛既鮨佐濑同鮨燐。
系wasp book 位，见佢有话有special lunch omakase ，book呢个俾另一半，佢少机会自由食野食到几点。同埋佢叫嘢嘅习惯，都系叫个餐牌入边最贵𠮶个餐，左睇右睇决定都系最贵𠮶个😑。
我系叫咗佢$500蚊15件嘅寿司set，因为同另一半去，我食唔晒佢会帮我食，先够胆叫15件。我知自己12/13件差唔多饱。
食第一件，呢度嘅寿司唔算大件，鱼料同醋饭嘅比例都好好，唔会赵晒啲饭旧鱼仲未食晒
鱿鱼切成粒状，易赵鲜甜、
甜虾配花生酱都几得意，呢啲算系有心思嘅位，因为食落系少少似食紧虾膏咁。
赤身太干身，唔系好掂
（后尾睇返不同渠道既食评都有讲呢样，以为得我自己觉得）
轻炙既金目鲷好正，佢真系轻轻炙左鱼皮，控制得几好，冇令到鱼肉都熟埋
（食完有同另一半系度细声笑，因谂起港式既会系咁炙炙炙，摆埋支火枪喺枱面𠮶种：你知唔知鮨店煮食用最多既燃料系咩？系火枪既gas😂。
我知适口者珍，讲黎笑下🙏🏼，同炙都唔系咁差，我都系香港人😂😌😋
蛋渍牡丹虾，一般。呢种虾好易出事，好易有放题味。 有。
中拖好返少少，但都干
海胆只系正路
烟熏嘅池鱼最有印象，一入口好香，件鱼又够鲜甜
食到海胆系第十一件，我已经喺度数&谂：仲有四件系海胆之后会系啲咩。因为出到海胆通常系「大结局」咁滞😂😂😂
香港正路都系咁既「顺序」
18件🥲
我大拖已唔想食，但系见佢切到咁靓同咁粉红色先赵埋佢😂 如果系蛇腹个种个人唔钟意一定唔食。
师傅有问我食唔食小肌（因呢间我有讲唔食鲭同鲣），我话要，因为我都冇谂住食😂 俾左另一半食。
赤鯥个样又靓同埋系贵嘅鱼，照食埋。饱到好辛苦
再上喜之次，虽然系贵野但系我真系食唔落，最紧要系佢开头做刺身我有食到一片。俾左另一半食。
仲要上咗我最钟意嘅三文鱼子🥲，食晒啲鱼子，又食咗十几粒米试吓海胆捞嘅饭
最后仲有三件好实挞挞好足料既卷😵
食咗一件试味
正路蒸蛋，冇食到片冬菇同埋鸡肉，留肚
我15件寿司同佢嘅套餐都差唔多大家都有。佢嘅special餐，系多咗以下嘅：
（仲有一件白虾；佢无我既小肌）
佢𠮶份嘅刺身，正常白身
呢个我冇试到，我以为我嘅寿司都会出现，点知我嘅寿司系赤贝😫
弹牙软滑，肝酱都正正常常
喜之次，有试，正路
正路，个汁几好
食左一小角，件鱼烧到好香好好味，谂起试咗冇几耐鮨斋藤既烧太刀鱼。早知食一半。
介绍系叉烧饭，佢吞拿鱼捞啲似的嘅汁，试咗好细啖，真系有少少似。
佢第二件海胆，第一件同我一样同一品种同埋一样系包紫菜。
呢件既品种食味一定仲好，我想抢黎食，但谂起食嘢时间比较自由嘅系我，算😂
我饱到好辛苦，汤饮咗几啖就算，但硬系觉得自己饮到咖啡，但系都系饮一两啖真系饮唔落
同埋我系次次食omakase 都会肚疴，唔系搞肚痛𠮶种，系你嘅肠道接受唔到突然咁重油分，要疴返两三次先正常返。每次食个半钟左右既话，我仲可以有时忍到返屯门。（每次食完一定搭地铁🥲）但系今次喺上汤嘅时候就忍唔住拎锁匙去厕所，食到2:20分先走到。
我冇mark龙师傅，但入到去，系佢serve我地，都开心既。（当日应该得另一半叫special 套餐，所以由佢黎😂😂😂）
但后来12:45黎一对客，一点几又黎另一对，都系佢做。搞到后来每一件之间越等越耐，等到好闷。
想走，actually 🥲
（但佢功夫真系好，寿司饭都好；温度又用心控制，见佢中间不断拎饭出黎；鱼料仲系唔同日数熟成。同客又够认真吹水，我地只系第一次去，佢好认真serve 客，尽量认真讲多几句。对比起唔知点对生客吹两句既师傅佢算做到好好😂）
睇返负皮系好多俾其他师傅，但我系好是但既人，唔会mark人同想撞下会点😅
同埋佢间野嘅装修同埋细致位已经非常好，但系有少少嘢你会扣分。呢度其中一个酱汁樽，系用你喺街边啲豉油𠮶软樽，鲜绿色好抢眼🤪。同埋其中一樽调味料又出晒包装。可惜嘅系佢好多嘢都好够「和」味，但呢啲细节位露出马脚
同埋话无wine list，但见佢清酒墙𠮶度，挂住唎酒师嘅牌。另一半唔识酒，只系想睇下个名，同有铺头既wine list会形容埋产地同描述下个味，佢睇中就饮个种。是但要左佢house一樽仔既，埋单睇成两旧水😵 我知道酒水系贵既......
同埋侍应人手好足，有三位。但我系饮好少茶，间唔中系饮一两啖，佢加茶，加到中后段，12点准时到，食到两点几....其实有心既话应该唔洗人出声间唔中成杯换左佢
咁既人手，系后面大部分时间都得闲，应该成餐饭换三次都好轻松。（当然可以出声，人地一定会换。但我个人唔系点饮，同连师傅都唔会早mark定个种；谂起：呢方面，人手足既话，提下可做足啲）当然成杯茶换既系算系中上同贵既omakase会做到呢样野，但意见系人手足既话可以做下😂
（系饮汤时经理有成杯换过😂😂😂）
食埋呢间既个人排名：（Lunch only)
志魂
鮨慎（如果有人第一次食omakase ，我会强推呢间，综合价钱黎讲，佢系第一。味道虽然唔够食过既志魂，但第一间试，呢间绝对最好！起码师傅态度会好好多（睇过好多人都赞佢地态度好好）；成日想去第二次，但我仲处于想试新野既阶段😅）
Sushi zo
鮨.斋藤
鮨舍利
Sushi tokami
（自己问题，16件太多，愈食愈紧张，有一半做左刺身；鱼料又无哗哗声，觉得一般般；准时12点去，得师傅同经理对住自己大部分时间，一举一动俾人非常「留意」😂）
Sushi hana
（谂返味道系几好，如果试多几餐，我谂佢既实力会系返今次写既舍利鮨上面。但讲还咁讲，每个人都会用自己嘅速度去进步）
鮨野（会再去既稳阵选择，唔太hit，算易啲book同执鸡）
鮨㐂（会再去既稳阵选择，唔太hit，算易啲book同执鸡））
今鮨（会再去既稳阵选择，唔太hit，算易啲book同执鸡）
志（一访）
粹
（谂返一坐低望到全场同我差唔多年纪，或者大过我少少，就惊伏😂。唔伏既隔离位系年纪大啲、安静啲、衣着或者行为举止都优雅一啲既人。个餐虽然港式啲但好彩啲鱼料算新鲜，服务好同平）
志（二访）
鮨幸
鮨中本
鮨生贤
（排名只系我个人&一餐半餐既感想；同一间第一餐同第二餐体验都会好唔同、整体感觉、非熟客🥲）
张贴
