Antoshimo Cafe & Bakery (Mikiki) (已結業)

每次黎呢度食晏都系为左佢个免费甜品，lunch 黎食都真系超值。今日叫左个蕃茄薯仔炆鸡定食，最平60 蚊。餐饮蜜桃茶唔错，唔会太甜又有桃味。定食就的的骰骰样样有d,阿妈薯仔炆鸡炆得多，但就真系未试过用蕃茄汁。个汁甜甜地几好味，捞饭一流，可惜系个饭太少。薯仔炆得好腍好入味，个豚肉就比较鞋口，不过d 菜吸收左 胡麻酱都不错。中间紫薯好香甜，仲有汤送都算几丰富。最期待既甜品时间系呢个海盐焦糖冬甩新地，冬甩系烟烟韧韧既波堤冬甩，又带少少脆。个酱焦糖得黎又带点咸咸地，配埋雪糕真系超正，不过今日个雪糕雪得太硬。