全發燒臘家

营业中

休息中

自细屋企人都系帮衬全发烧腊，大个咗搬离大埔之后都好少番大埔，今次咁啱有事入大埔就顺便回味一下旧时嘅味道。搬咗舖，变咗有堂食（以前细个系帮屋企人去街市买20蚊叉烧/鸡翼only），环境都舒适，装修有啲怀旧feel，干净企理嘅。同朋友分别叫咗瘦叉切鸡饭and烧鹅油鸡饭。烧味保持到水准，烧鹅肉肥厚，啲肉汁几正～食到好饱～两人埋单$116，有冻饮有汤，我觉得价钱算合理。唯一美中不足就系杯冻奶茶，我觉得茶胆唔够浓；不过我见间舖系无水吧嘅，可能始终系烧腊舖唔系茶餐厅，重点唔喺嘢饮度～可以叫可乐𠮶啲都无妨。