糖百府 (已結業)

同女朋友周年纪念，去左西贡浪漫下，食完饭见到码头小巴站有间糖百府，女朋友话想食糖水，成日食西贡出哂名既X记，都想试下新野，咪入去试下。舖位细细，但记得可以坐到30人左右，仲有一个半开放式既厨房，坐近厨房的话，可以见到佢地做紧乜。员工有D有著印有店舖唛头既围裙，有D无，都唔系好知边个系员工边个唔系，不过，眼见都好有礼貌，招呼好好。墙上有写住是日沽清了什么，起码唔驶估乜野有得食，乜野无得食。餐牌有相有字，于是又唔驶估𠮶D系乜野嚟。普通既糖水例如红豆沙、绿豆沙、芝麻糊、喳咋都有，炖野又有，起码照顾到不同既需求。最后，因为心大心细，咪问边个系店长，等佢介绍。就系咁，女朋友拣左心太软配云呢拿雪糕，我就拣左芝麻糊。因为心太软系热既同埋应该都几甜，呢度配雪糕食都几夹，雪糕系用Drey字头既云呢拿味，无其它味道，都OK因为配埋朱古力味既心太软，唔会变得咁腻! 一个人既份量啱哂女仔食，食完都几满足架! 店长话芝麻糊系自家磨制，食落又真系觉得超滑，肯定唔系开水冲，真系唔错。应该会再同女朋友去试埋其它野食!