憶食尚臘味煲仔飯 (已結業)

Weekend同屋企人出左尖沙咀行街，到左夜晚食饭时间，屋企人中意食中菜，系尖沙咀揾食，上网睇到呢间好似唔错！酸辣汤空心面第一道菜食呢个开下个胃，面条细幼柔软质感，酸酸辣辣，胃口大增之余又刺激味蕾！清蒸鲜腌海鲳鱼鱼肉质感少少实肉，但有甘香可口嘅感觉，似食紧咸鲜鱼嘅感觉，初次食咁嘅做法都唔错！好惊喜大热天时有腊味煲仔饭！腊味食到猪肉鲜甜，无咩脂肪，同平日食嘅完全唔同，感觉新鲜得多！米饭同饭焦索哂腊味精华，再加酱油，好好味！以后想食腊味煲仔饭几时黎食都可以！清凉薏米水有热同冻之分，有柠檬味，饮落感觉清新！最后送上甜品，御发膳粥，甜度刚好，感觉食紧紫米露与喳喳之间，好多材料，足料！