餃掂手工餃子雲吞專門店

最近屋企附近新开左间饺子店，饺子一直都系我几中意食嘅食物，呢间手工饺确实唔错。🍴香煎芝士软心饺 十只 $68价钱虽然比一般贵，但几惊喜㖞，入面有好多鲜甜嘅粟米夹猪肉，芝士酱几香浓，加落粟米猪肉估唔到咁夹，值得一试。🍴芫茜猪肉饺 十只 $65芫茜热潮下呢到都有茜食，做馅料味道唔会太抢，猪肉大大旧。🍴四川凉面 $30天气热最啱食凉面，过冷河后面质弹牙，下次会叫中辣更过瘾。🍴蜜饯鸡翼 五只 $32甜甜地好开胃，有住家味。🍴饺子面 并云耳椰菜饺 $55清清淡淡，水饺胀卜卜，呢个款式都唔错。