全記點心專門店 (已結業)

约左朋友黎到荃湾食野 search到哩间点心店新开既评价都唔错 抱住试新野既心态入左黎食。哩间点心店装修都几靓 一d都唔似食中式点心 带有西式既感觉。等左10分钟左右就上点心喇！哩个芝士饺系哩间点心点既特色 哇好大只饺呀 一夹开d芝士涌出 好兴奋！第一次食芝士饺 有新鲜感而且味道好。哩道凤眼饺都系特色之一 其实似虾饺既改良 加左黑松露又变左一款新点心。哩个睇落似水晶包既点心原来都系一款饺 一咬开食到好香既菇菌 食到有黑松露味 味道较清淡 适合素食者。哩个药膳凤爪有惊喜 一上榙已经闻到好香既药材味 个汤好甜少油 个人好喜欢哩个 ！虾肠爽口 酱油特制鲜味 好食。