明洞Express (已結業)

自从去完韩国一直对韩国菜念念不忘，系尖沙咀上完堂去左呢间位于金巴利道既明洞express食下午茶。一入门就有个讲韩文既叔叔招呼我地，令我地对间野好有信心，觉得应该会几正宗。另外如果有学生证就会免费送罐汽水，但店内餐牌无特别写明，学生去食就记得点餐个时出声啦。我同朋友share左个炸酱面同牛肉饭卷。先黎既系牛肉饭卷，其实有d失望，因为个卖相已经唔太好，饭既分量完全唔足以包住d𩠌，米粒比较硬，一夹起旧饭卷d𩠌就跌晒出黎，无韩国饭卷个种软熟、一放入口d饭、𩠌、紫菜味融为一体既感觉。最奇怪系有旧港式鱼蛋系中间，同其他材料味道唔夹，亦令饭卷口感好奇怪，无啦啦有旧弹牙既野系饭卷度。饭卷性价比真系比较低。紧接而来既系炸酱面。香港好食既炸酱面好难揾，好多伏野，所以一开始见要72蚊都谂左阵。估唔到碗炸酱面一d都唔伏，有韩国食到既个种味，洋葱好香好甜，煮到lum lum地，洋葱同猪肉碎既分量都好多，个汁虽然有d油，但好香豆酱味，配埋d软硬适中既面，真系好食到停唔到美中不足既系炸酱面上无可以令口感清新d既青瓜丝，餐厅亦都无比一般韩国餐厅会有既小菜（听讲韩国人食炸酱面系会配黄色既腌萝卜食）跟餐有碗杂菜汤都好清