意粉屋 (已結業)

今日同朋友系沙田食晏，朋友提议食意粉屋因为有会员卡有折，所以就去咗排队 ; 明明餐厅重有好多位，但门口果个侍应偏偏唔放人入去， 见里面啲侍应个个都 hea 住做，真系等到忟忟地。等左劲劲劲劲劲耐先入到，见下午茶套餐几抵食 $88 跟酥皮周打海鲜汤同饮品，而如果有会员卡重抵，第一客 85 折，第二客半折，第三客 85 折，第四客半价，所以最后我地三个人叫了四个餐，叫咗苏格兰烟三文鱼蜜桃苹果藜麦烟斗沙律、巴马臣芝士焗肉酱意大利粉、意式海鲜炒饭、珍宝杂锦板板薄饼。苏格兰烟三文鱼蜜桃苹果藜麦烟斗沙律巴马臣芝士焗肉酱意大利粉意式海鲜炒饭 : 有带子、大虾、鱼柳、鱿鱼，不过比我想像中细碟，味道就普普通通尚算合格 ; 而酥皮周打海鲜汤就做得几出色。👍🏻 👍🏻珍宝杂锦板板薄饼 : 建议不要叫，因为实在太普通无特别，如果以 $88 呢个价钱黎讲，我食 Pizza hut 好过，起码份量同味道都有保证。总括黎讲，如果有会员卡真系几抵，如果无既话都试得过，不过以 $88 系新城市广场应该有更多选择。