意粉屋 (已結業)

放假约好友去美容，落返香港顺路在沙田睇openrice送嘅戏！在戏院划完票之后只剩一个小时，唔行太远就近在戏院揾食，好友有呢间餐厅会员（第二份午餐半价）又唔使点等！攞飞5分钟入座，欧式餐厅格局，座位好迫，啲二人枱基本听晒大家讲嘢兼睇晒大家啲𩠌！好快落单！食物陆续到！餐汤--酥皮龙虾汤（$15）会员第二个汤半价！酥皮焗得香脆，浸落汤好味，汤橙红色，好滑，入面仲有海鲜粒，但超超超咸，咸到咀唇都干埋，顶唔住叫店员换咗！餐汤--焗酥皮森林蘑菇汤：等多15分钟先到（即焗）卖相靓，酥皮香脆，汤非常热，忌廉滑溜，仲有好多蘑菇粒在内，好味！超级杂锦板板pizza($59)木板上，薄批底香脆，芝士可以拉出丝，蔬菜丝（青椒、洋葱）香脆，肉肠片烟韧，足料好味！鲜忌廉芝士焗菠菜香煎鱼柳扁意大利面（$59）几大份，忌廉芝士香夹滑，菠菜多又几香，鱼柳嫩滑无骨，无腥味！意粉有咬口！好味！跟餐热鲜柠蜜：会员免费升级，几浓味，蜜糖味唔假！加咗柠檬清新！好味！店员有礼，知道知龙虾汤太咸，即刻问我想取消定换食物，系比我拣唔系帮我决定！有礼又有效率解决问题！比个赞！有会员几抵食！两个人只要$125.8不过厕所行好远！