forte (已結業)

因为入左如心嘅Vivva会，所以有一张电子生日免费Buffet Coupon可以系旗下酒店用，亦系睇完其他师兄食评先知，系完全免费，加一都唔洗呢个系半自助餐，所以有主菜拣，佢地用ipad显示，最后都系揾返人手落单头盘都丰富，有熟火腿，又有生嘅火腿，油花几靓，唔太咸，不过味道就一般刺身款式多，三文鱼，吞拿鱼，希灵鱼，𫠒红鱼，墨鱼，细甜虾。师傅应该唔识切。。。佢系由上至下直切，每片都系好细好薄片不过吞拿鱼冇筋，抵赞海鲜有虾🦐，蟹🦀，蓝青口，刀贝，龙虾尾，鲍鱼，瀬尿虾。蟹系三点蟹，细只；虾爽；龙虾尾太老太实肉；刀贝多沙； 鲍鱼嫩滑。有个问题系全部都冇味，盐都冇落，系好清淡，要靠汁酱搭救，佢有Cocktail汁，泰式辣汁，辣椒豉油，红酒醋等等选择仲有七色焗蚝，蚝肉厚大，不过唔系每个味道都正，磨菇汁唔得，另外好食嘅有芝士肉酱，芝士明太子，𫠒鱼光汁主菜见有威灵顿澳洲牛柳，一于试试，果然试到伏，牛柳靭，酥皮未够时间唔脆，而且落单冇问成数，最后全熟主菜嘅清蒸石斑鱼见到系原条上，果下我真系好后悔。。。睇样系好正，睇黎中菜先系强项😂中途会响铃，有几样堂煮食物，醉虾，辣椒膏青口，车轮芝士长通粉等等甜品都多