板長壽司 (東角Laforet) (已結業)

突然想食寿司，但铜锣湾嘅寿司选择唔多，一直想试立鮨，但真心唔识欣赏立食文化，朋友就话不如去板长，平时经过成日都见到好多人，应该也不错吧？8点30分黎到，门外一个客人都冇，再望下今日有会员八折，都几抵㖞！店员安排咗我哋喺2人卡位，唔知点解，有种茶餐厅卡位嘅感觉，店内嘅陈旧装修，有口音嘅店员⋯⋯即刻回想，对上一次食板长，应该系N年前，记得当时嘅板长系属于中上价位嘅寿司，但质素绝对对得起价钱，再望下眼前嘅环境…痴笠笠嘅坐位同枱面店员有介绍今日嘅会员优惠，知道我哋唔系会员，亦都好乐意告知我哋即时做会员亦可享有优惠。登记完会员之后，就用qr code落单。发现Menu同N年前都几大分别⋯⋯等到寿司上枱，我哋就知濑嘢了寿司嘅摆款同放题差唔多，一摆上枱就乱哂，好似有人夹过咁军舰嘅紫菜，一望就知淋哂，即时冇晒食欲军舰上面嘅馅料，少得可怜，特别系蟹膏蟹肉，完全系凹陷状态，旧唔知咩蚝军舰，放入口真系唔知食咗啲乜仲要，只蚝烂晒都照上俾客人三文鱼系好长好大块，但完全冇光泽，我真系从来未食过呢个口感嘅三文鱼，又梅又腥刺身都系一样，好后悔叫咗，d虾梅到个头扁晒，北寄贝乜味都冇有8折埋单系算平，但系劲惊会有肠胃炎！