花月冰室

营业中

休息中

长沙湾有间冰室，主打多款港式料理，小炒、煲、焗类、蒸类、煎炸样样有齐，晚市更有套餐供应。店内环境清洁，灯光猛烈，店员服务态度亦十分友善，出面好少见，经过可以一试。私心推介豆椒凉瓜炆排骨煲，凉瓜大块，煮至软身，苦度啱啱好，老少咸宜，排骨份量都唔少，肥瘦适中，而且几入味，食完亦唔会觉得口干，配饭一流。虽然西冷用碟上但胜在够热，牛味突出，少筋但可接受，配上黑椒汁更惹味，旁边附上薯菜，薯角炸至酥脆可口，喜欢。另外有三色蒸水蛋，入口滑溜，带点咸香气，家常小菜，健康又好味。咖喱焗鸳鸯扒饭卖相一流，咖喱香浓惹味，饭粒粒分明，鸳鸯扒好少有，分别为猪同鸡，猪扒唔干，鸡扒滑身，唔觉唔觉就清晒。