奧壽司

营业中

休息中

假日揸车去咗数码港嘅一间 cafe chill下, 经过见到呢间几有特色嘅日式餐厅, 见餐牌上嘅食物款式都几多, 于是就决定喺度食晚餐🍽~我哋两个食完嘅感想系：呢间真系超级高质, 而且服务好好, 虽然地点系有点远, 但好值得再过嚟食！🍣葱三文鱼腩卷 - 食材好新鲜,每一啖都系满足感呢！三文鱼腩好肥美, 入口充满油香, 连埋底下嘅寿司饭, 再点啲豉油同wasabi 一齐食, 超级美味😋, 啖啖都系鲜味, 真正大满足！𓌈˒˒ 牛脷串 - 牛舌烧得啱啱好, 有油香及富肉汁, 肉质超级嫩, 带爽弹嘅口感, 好好味😋, 一定要推荐俾钟意食牛脷嘅人👍🏻！🐟银鳕鱼西京烧 - 用咗日本味噌调味, 味道带甜, 鱼皮煎至微脆口, 鱼肉非常嫩滑, 有油香, 好有日本风味呢ꕀ🦀云丹蟹粥 - 蟹粥口感好绵, 米粒湿润度适中, 蟹膏味道鲜甜, 呢碗蟹粥简直系吸尽晒蟹嘅精华！