刕舙馫麵館 (已結業)

搬咗黎红磡，第一次帮衬此店。先是被店名吸引，再而见到系刀削面，所以今晚就买黎试试（其实好想坐低食，但碍于6点后无堂食，唯有买回家食）。因为外卖，怕返到屋企啲面林晒，所以叫咗捞面。落柯打时见到有部大机喺厨房，我见面团似喺机器削，而唔系人手削（下次再睇清楚求真吓），第一次食，有啲贪心，样样都想试，最后叫咗猪扒牛捞刀削面小辣，店员好nice咁仲送咗罐饮品。返到家急不及待即食，刀削面够咬口，捞埋啲蒜蓉麻辣酱好香，份量够，味道都好，不过下次会叫多啲芫荽葱。猪扒有腌过，但唔会林到无质感，牛刚好软硬得宜。总结，系会回头再帮衬嘅！