茶色生香 (寶峰園)

营业中

休息中

今日黎太古呢边处理啲嘢，搞掂完之后觉得口渴，想买返杯手摇，落到楼下行多几步就见到呢间茶色生香，饮品选择都几丰富又企理，于是同朋友一齐买来饮下。我哋总共嗌左三杯嘢饮，互相share。首先系芝士金凤$38饮手摇点可以冇芝士奶盖茶，呢个芝士奶盖绝对有惊喜，口感稠密，奶盖好浓厚，唔会好似出面好多茶饮店咁整到好稀，而且芝士味好香，不过就偏咸咗少少，但我本身都比较钟意咸嘅芝士多啲，茶底都几香唔错，整体都值得推荐。之后嗌左两杯水果茶，百香果四季春$38同埋霸气水果茶$40，嗌咗走甜，仍然有水果嘅天然甜味，对我来讲就啱啱好。水果茶都系用新鲜嘅水果，份量好多，霸气水果茶仲要有六款水果，苹果、橙、菠萝、百香果、提子，所以出到嚟好好饮。