8Five2 Restobar

营业中

休息中

喺尖沙咀嘅间墨西哥菜晚餐餐厅，环境好似酒吧咁，摆放咗各款烈酒同啤酒，灯光都比较暗，好令人放松，好啱放工时间嚟慰劳自己🤪 我点左呢间餐厅嘅三款菜式。首先系鸡肉墨西哥脆玉米片，配牛油果酱同酸酱。呢道菜好色彩缤纷，玉米片脆口，鸡肉嫩滑多汁。牛油果酱同酸酱都好好食，牛油果好fres健康令呢道菜更加丰富同平衡 口感更加出色。！然后系烤鸡肉芝士馅饼。呢道菜以烤鸡肉为主角，肉质好鲜嫩，加埋浓郁嘅芝士馅料，口感好丰富。饼皮松软，烤至金黄色嘅外皮带嚟一种香脆嘅口感。整体嚟讲，呢道菜色香味俱佳😙最后系西冷牛扒配薯条，配香草酸汁。呢道菜展现咗墨西哥菜嘅创意同多样性。西冷牛扒烤得刚好，保持咗牛肉嘅嫩滑同口感，配埋脆口嘅薯条同香草酸汁，个汁系我从来都冇试过，佢唔系好似烧汁咁，喺香草同埋橄榄油煮成的，带嚟一种清新嘅味道。整道菜嘅卖相都好具异国风情，好吸引人留意。 对于未试过墨西哥菜嘅朋友嚟讲，我好推荐呢间餐厅。唔单止菜式味道高水准，仲有好吸引人嘅卖相，想开拓一下味蕾的新境界，呢间餐厅绝对系一个好好嘅选择。