十三少 (已結業)

来到十三少当然要必试酸菜鱼啦，无论价钱同食物质素都好高，两个人的话可以食套餐$348，当中有凉菜：椒麻皮蛋/凉拌土豆丝/蒜泥青瓜，主菜：酸菜鱼/水煮鱼，小菜：干煸四季豆/麻婆豆腐，配送白饭两碗，非常抵食！蒜泥青瓜蒜泥味好重，每粒青瓜都铺满蒜蓉，酸酸地好开胃，就算食到太饱都可以消滞。十三少酸菜鱼辣到拣咗小辣，酸麻味都几重，汤底出色好饮，不油腻，鱼既份量都足够两个人，鱼质几滑唔腥。入面配料有莴笋、酸菜、菇类，如果有埋薯粉就好了。干煸四季豆呢个小菜好出色，都好建议大家叫来食，辣度同麻香好浓，重口味人士之选，肉碎炒得超香，配送白饭一流！红糖糍粑+$28甜品也是必叫吧！炸得非常脆口，咬口都几痴牙，但食到米味几香，唔经唔觉一条一条咁食晒，好饱都会食得晒。