紫玉蘭

营业中

休息中

阔别了近四年的中菜馆，佢同 #翠玉轩 都是我曾经的会客食饭胜地。 今年的小团圆在紫玉兰，包了厢房慢慢饭聚。🥢 玉兰小品（雨花葱油红蜇头、老上海糖醋小排骨、上海煎烹素鹅） 用蜇头比用脚更加有口感，糖醋骨恰到好处，素鹅煎得甘香，即使打包返去食仍是脆。🥢 亨得利鲜蟹肉焗蟹盖蟹肉丝丝分明，配上洋葱同芝士，水准之上。🥢 崧茸一品花胶炖螺头汤好似饮紧阿妈靓汤，饮完非常暖身。🥢 顺天蚝皇大鲍鱼手咁大嘅鲍鱼，食完佢感觉被佢打爆个肚🥹但好足料！🥢 紫玉兰烤鸭呢个烤鸭系全晚之最，每片都是薄薄，皮同肉分离，会建议你夹牛油果🥑哈密瓜一齐食，非常清新。🥢 东坡黑豚肉扣关东辽参东坡肉旧肉食得出用尚上之料，个芡汁同海参亦都非常配。🥢 瑶柱扒豆苗清新简单。🥢 红房子富贵海鲜炒饭粒粒分明，唔会过油，配菜亦都足料，又系一个打包咗返去食之后仍然觉得好食的𩠌。🥢 香芒野生雪燕椰子盅呢个食到撑住都要食，系好好食！ 佢将椰子肉变成奶冻，配上西米露同雪糕同芒果肉，简直想食多个！是次食饭其实平均$2700 位，因为系熟客关系拎咗折扣；以呢个价钱食呢餐饭仲有埋招呼，觉得真心物超所值。