影片
更多
2019-03-21
1491 浏览
朋友之前食过话呢间餐厅唔错，呢日想同两老食好啲 ，于是就 book 咗去呢度食饭。老豆话想食焗酿鲜响螺，于是我哋每人叫咗1只，响螺焗得刚刚好，香口之余，馅料保留湿润，唔会干争争，食到粒粒弹牙螺肉，加埋洋葱同蟹肉，又鲜又有咬口，yummy! 梅菜扣肉煲以热锅上，好有获气，梅菜爽口唔会死咸，扣肉肉质烟韧，一啲都唔柴，肥肉食落甘香唔油腻，吸咗梅菜香味嘅扣肉，真系好送饭。花胶海皇羹食到爽爽哋口嘅花胶丝，海皇羹食落唔会好杰身，但又唔会水汪汪咁，浓稠调较得啱啱好，虾仁好弹牙，清清哋几好味。杞子圆肉浸胜瓜好鲜甜，胜瓜又嫩又爽甜，出面多数只会加杞子，呢度加埋圆肉，令胜瓜多一份桂圆清香味，好食! 姜葱粉丝鳝球煲真系叮一声，我哋都系见到好多人叫，我哋又跟住叫。鳝球已起骨，食落好厚肉，一啲泥腥味都无，鳝肉有姜葱香味，肉质富弹性，好新鲜，配埋索晒精华嘅粉丝，好食到停唔到口。鲍汁章鱼鸡粒饭饭粒炒得干身分明，章鱼粒唔韧，鸡肉唔嚡，配埋鲍汁，好惹味。杏汁雪山包嚟到热辣辣，外皮松脆，里面嘅杏汁馅好香浓，自己最怕食到啲人工杏仁味，呢个包嘅系真杏仁味，作为呢餐嘅终结，好完美! 用膳期间，店员会不时换碟，亦会主动加茶，以呢
老豆话想食焗酿鲜响螺，于是我哋每人叫咗1只，响螺焗得刚刚好，香口之余，馅料保留湿润，唔会干争争，食到粒粒弹牙螺肉，加埋洋葱同蟹肉，又鲜又有咬口，yummy!
梅菜扣肉煲以热锅上，好有获气，梅菜爽口唔会死咸，扣肉肉质烟韧，一啲都唔柴，肥肉食落甘香唔油腻，吸咗梅菜香味嘅扣肉，真系好送饭。
花胶海皇羹食到爽爽哋口嘅花胶丝，海皇羹食落唔会好杰身，但又唔会水汪汪咁，浓稠调较得啱啱好，虾仁好弹牙，清清哋几好味。
杞子圆肉浸胜瓜好鲜甜，胜瓜又嫩又爽甜，出面多数只会加杞子，呢度加埋圆肉，令胜瓜多一份桂圆清香味，好食!
姜葱粉丝鳝球煲真系叮一声，我哋都系见到好多人叫，我哋又跟住叫。鳝球已起骨，食落好厚肉，一啲泥腥味都无，鳝肉有姜葱香味，肉质富弹性，好新鲜，配埋索晒精华嘅粉丝，好食到停唔到口。
鲍汁章鱼鸡粒饭饭粒炒得干身分明，章鱼粒唔韧，鸡肉唔嚡，配埋鲍汁，好惹味。
杏汁雪山包嚟到热辣辣，外皮松脆，里面嘅杏汁馅好香浓，自己最怕食到啲人工杏仁味，呢个包嘅系真杏仁味，作为呢餐嘅终结，好完美!
用膳期间，店员会不时换碟，亦会主动加茶，以呢度嘅食物同服务质素嚟讲，性价比高，两老都表示满意。
张贴
