大瀛喜日本料理 (已結業)

行行下旺角好想食日本嘢，但系两个人食单点既寿司就肯定好贵，所以同朋友决定去食放题。旺角既放题有好多间，今次我地就简左最近朗豪坊，好方便既大瀛喜。其实之前已经食过呢间，食物质素同服务态都唔错。我地闲日去食6:00个场，人不算太多但系已经坐满左一半枱。我地拎住几袋胜利品，开头我地系坐二人枱既，但系店员见到后即刻帮我地转左四人枱。一坐底，当然要点左刺身先啦。听讲第一段时间食既刺身系正好多既！我地乜都有叫啲，重点叫左十条虎虾同十条甜虾真系嚟足晒。条条虾都大大条，真系值得一赞！刺身唔算得上好新鲜，但胜在唔会有雪味或者有未解冻晒既情况出现。平时食放题系绝对唔会叫手卷，因为真系好多饭、而且大大件好易饱。呢度既手卷真系必叫！细细件，又有海胆，一啖一个手卷，正！饮品是雪柜自取的，一般放题只有有汽饮品，但呢度有埋乌龙茶，啱晒我呢种怕肥既女仔。芝麻炸鸡翼我好中意食鸡翼，每次食放题必叫既一定系鸡翼！佢地既鸡翼炸到金黄色，而且不会炸得太干，能保留肉汁。美食不能尽录！其实真系食左好多嘢，两个人食绝对系好抵！值得一赞既系，侍应会自动自觉咁过黎帮客人换碟，服务很好！