MiLuna Cafe & Ale House

营业中

休息中

叫佢月亮餐厅绝对不为过，里面有大大个月亮打咭位，而且细心布置过。里面既感觉既似楼上cafe，又似酒吧。可能因为咁，食物同饮品的选择都好丰富。5 Course Set Menu for 2 $788呢个餐主打就系有90分钟任饮意大利气泡酒，不停添酒，可以饮番够本。前菜先食烟三文鱼他他配牛油果藜麦沙律同西班牙火腿肉拼盘。沙律味道清新，而且牛油果同藜麦都系健康嘢。火腿肉充满咸香，可配哈蜜瓜食作为平衡。伏特加火焰带子火焰效果吸引，鲜甜带子会配creamy酱汁。虽然另一个选择系同样吸引嘅一口和牛，但相信大家都会拣带子，有得睇又有得食。黑松露蘑菇汤蘑菇汤浓稠，亦食到有蘑菇蓉，一路饮一路散发着黑松露的香味。软壳蟹•蟹肉•蟹籽•明太子忌廉扁意粉成大只软壳蟹瞓落意粉度，扁意粉除咗creamy，又有大量蟹肉蟹籽，连埋松脆的软壳蟹，非常丰富。美国封门牛柳配青酱椰菜花饭封门牛柳卖相吸引，份量不吝啬，五成熟已经好爽嫩。配椰菜花饭令人有新鲜感，岩晒唔好饭/意粉嘅人，唔会塞饱咗个肚。牛角包窝夫牛角包窝夫的的骰骰，入口松脆好食，配杯热柠茶就岩晒。