影片
更多
2013-11-06
354 浏览
港铁嘅港岛西延线明年底就会通车，不过，上环、西环等地已一早逐渐变天，好似依家已有唔少品牌酒店进驻，较新一员喺上环苏杭街尾嘅香港苏豪智选假日酒店。酒店跟饮食喺分唔开嘅话题，要介绍嘅喺晌酒店内开业无耐嘅Moon Thai，有幸获邀到来试试其出品，所以就拉埋老婆同两个旧同事一齐嚟陪吓小弟，其实喺想试多啲嘢就真。首先点都要重点讲吓个环境，门前招牌Moon Thai黑底银白字，够酷够型格。一踏进餐厅内，感觉闲舒富情调，柔和嘅灯光，叫人倍感轻松，而枱櫈安排阔落，唔会有拘束感；外面仲有个非常大嘅露天雅座，虽然周边环境都喺高楼大厦，但布局仍不失泰国风情，藤椅、梳化……，在满月底下，唔食饭晌度饮吓嘢，倾吓偈都觉得又爽又写意呀！服务亦都好贴心，适时换碟添水，但略嫌上菜太快，有啲唔「襟」摆嘅菜式，可以逐道逐道慢慢上，咁会食得悠闲啲。讲开环境，顺便讲讲洗手间，原来都甚有观赏性㖞，感觉唔会死板冷冰冰。究竟喺点样？睇相好过听我噏啦！（注：男士𠮶边我拍，女士𠮶边梗喺揾朋友代劳啦！）食物选择方面，页首有数款得奖菜式，此外，由头盘、汤、沙律、鱼翅、海鲜、特色主菜、蔬菜、甜品一应俱全，过百款菜式，应该唔难揾到啱心水美食。
首先点都要重点讲吓个环境，门前招牌Moon Thai黑底银白字，够酷够型格。一踏进餐厅内，感觉闲舒富情调，柔和嘅灯光，叫人倍感轻松，而枱櫈安排阔落，唔会有拘束感；外面仲有个非常大嘅露天雅座，虽然周边环境都喺高楼大厦，但布局仍不失泰国风情，藤椅、梳化……，在满月底下，唔食饭晌度饮吓嘢，倾吓偈都觉得又爽又写意呀！服务亦都好贴心，适时换碟添水，但略嫌上菜太快，有啲唔「襟」摆嘅菜式，可以逐道逐道慢慢上，咁会食得悠闲啲。
讲开环境，顺便讲讲洗手间，原来都甚有观赏性㖞，感觉唔会死板冷冰冰。究竟喺点样？睇相好过听我噏啦！（注：男士𠮶边我拍，女士𠮶边梗喺揾朋友代劳啦！）
食物选择方面，页首有数款得奖菜式，此外，由头盘、汤、沙律、鱼翅、海鲜、特色主菜、蔬菜、甜品一应俱全，过百款菜式，应该唔难揾到啱心水美食。
饮品亦值得留意一下，因为一入门口左边吧枱酒柜非常抢眼，放满各式各样嘅酒，故餐厅提供多款酒类饮品，由威士忌、伏特加、冧酒、龙舌兰酒……以至十多款鸡尾酒，应可满足大部份需要。当然为要顾及唔饮得酒嘅客人，非酒精类嘅饮品仍十分之多选择，有冻、有热嘅特饮可能令较为吸引啲。
爽快特式冻饮Mango Cool芒果特饮（$48），有啲似沙冰，可能芒果成份多，除咗芒果味浓郁外，质感就无沙冰咁冰咁雪；
Strawberry & Orange Cool士多啤梨香橙特饮（$48），味道极似杂果宾治，而士多啤梨味重少少；
Coco Mango Fizz（$48），以芒果汁加椰子忌廉做成，椰子味比芒果味略重；
Lychee & Coconut Soda荔枝椰果梳打（$48），荔枝同椰子味好平衡，带少少汽，入口感觉更凉快。
冬荫功汤 $98（1-2人）/ $178（3-4人）捞一捞就知道非常足料，有唔少鲜虾同草菇，鲜虾又几弹牙；原来下咗唔少红辣椒、青辣椒，所以入口都几啃吓，辣度十足，亦有有几重金不换香味。怕辣嘅人就不妨考虑其他，如蚬肉菠萝清汤，据介绍一样咁有特色。
泰式生虾 $158一客有成12只生虾（基围虾），经理话最好即出即食，当然啦，否则摊暖咗就失真晒。虾肉冰镇过，宁舍爽身，加咗蒜蓉、特制辣汁腌味，味道颇辣，大可夹埋薄荷叶食，可以中和一下个辣度。垫底有好多苦瓜片，食完一件生虾，再食番件爽脆苦瓜片，甘苦味亦有助减减辣！
鲜虾西施柚沙律 $138垫上少少沙律菜，以江鱼仔、西施柚肉、鲜虾、金不换、炸椰子所做嘅鲜虾西施柚沙律，清爽、清甜、清脆。清爽，是因为鲜虾又大只，质感爽口弹牙；清甜，西施柚肉既肥大，又爆汁；而清脆，由于加入江鱼仔及炸椰子碎，丰富咗个层次，多啲脆卜卜嘅口感。
香草粉丝焗蟹煲（时价）经理介绍时，话以桂皮、八角、花椒、金不换、猪颈肉做底，再加入粉丝兜匀，最后放入新鲜膏蟹一同焗。所以，粉丝索晒啲香料味，食落宁舍香，口感估唔到又有啲似豉油皇炒面咁；煲底下嘅猪颈肉又喺好入味、爽口；而鲜蟹非常之多膏，蟹肉亦好鲜甜！
蒜蓉豆酱炒椰菜苗 $88椰菜苗由泰国直送，色泽翠绿新鲜，以蒜蓉豆酱爆炒，鲜嫩爽脆，非常惹味，可惜一碟唔多！
泰式甜品拼盘 $108（2-3人）/ $158（4-6人）最后嚟嘅甜品拼盘，有齐店内散卖嘅4款甜品，可按人数要大份定细份。
泰式千层糕，以斑兰汁做，口感烟韧软糯，斑兰味不俗；
泰式椰青糕，底层以椰汁做，上层以椰青水做，有浓，有清香，都几好食；
泰式南瓜布甸，原个南瓜加入鸡蛋布甸，再切件上，部份烂咗影响卖相，南瓜粉甜，布甸几软滑；
泰式椰汁西米糕，较常见嘅泰式甜品，香浓椰汁配西米糕，唔错，只喺稍甜啫。
从餐牌嘅「餐厅介绍」所见，MoonThai奉行3A宗旨：Authentic（最上乖地道的美食）、Amiable（最亲切可人的服务）、Ambience（包含传统格调和现代品味的餐厅设计），原来佢亦喺赤𫚭角机场嘅Erawan Thai首家分店。环境的确一流，服务有一贯嘅酒店级水平，食物质素中上，值得推介嘅泰国餐厅。但始终喺酒店内嘅食店，价格著实唔便宜，若有咩特别日子要庆祝纪念，食贵啲又何妨。
张贴
