Casa Di Luna (已結業)

Casa di luna同好姊妹提早庆祝圣诞🎄简左间月球做主题既餐厅，劲多打卡位，餐厅装修真系置身月球咁，好靓好浪漫，啱哂情侣撑枱脚。而家星期一至四晚餐仲有8折，几吸引。🍅前菜拣左冷盘蕃茄流心蟹肉盒，蕃茄有d 金箔做点缀，简单而不失华丽。切开已经有蛋汁流出，索晒入蟹肉到，衬埋新鲜蕃茄一流。🦞跟住黎个龙虾汤，龙虾味浓郁，仲饮到有d白兰地味道，龙虾肉爽甜。🐏主菜拣咗羊架同软壳蟹白松露意大利面。份量都几大，三只大羊架，煎到有d 焦香，锁住肉汁，肉质粉嫩，火候控制得超好。🍝平时都系食开黑松露，好少地方有得食白松露，啖啖意粉都有白松露，仲挂哂香滑忌廉汁，好rich。炸软壳蟹松脆可口，摆盘都好精致。🍮压轴黎个招牌甜品Tiramisu，月球既器皿衬哂餐厅既主题，微微咖啡酒香，加creamy 芝士味，绝对系餐饭最好结尾。