影片
更多
2017-11-08
1205 浏览
光顾呢间Coffee Shop 多年，除左食物质素好之外，亦贪佢无乜人够隐秘，同人讲去亚士厘道唔系饮酒而系饮咖啡，仲要响精品酒店三楼，几次约Friend早到，坐定定send埋地图钉俾佢地，佢地都系揾餐懵就知呢度几隐秘。今时唔同往日，多人知道左尖沙咀繁华闹市中有呢处秘点，都纷纷摸上去。对舖头黎讲当然系好事，由其舖头内有几位好有心去经营既年轻人，生意好正正系佢地心血既成果。平时好多时都系上去Lunch食个红米饭，而家有少少怕人多，刻意等到1430上去Tea ,闲日既Tea Time 舖头会比较少人，坐低左二话不说就同女人一人叫一份Tea set 既窝夫(香蕉味同原味)，每份$38包基本茶啡，特选咖啡就加几蚊至十几蚊。等左15分钟(即叫即整系咁上下，Tea 得唔赶时间都无乜所谓)，窝夫够热够松，份量亦适中，其实呢只窝夫既Full set版我已经食过N次($68 double 份量加士多啤莉，全日供应)，今日唔肚饿先食Half set。女人饮左杯姜饼咖啡，痴左啖饮唔太甜几啱口味，如果唔知饮乜咖啡好，你只需同店员讲你既口味，佢就会用心介绍一只match 口味既咖啡俾你。除左食物外，呢度仲有报纸(
今时唔同往日，多人知道左尖沙咀繁华闹市中有呢处秘点，都纷纷摸上去。对舖头黎讲当然系好事，由其舖头内有几位好有心去经营既年轻人，生意好正正系佢地心血既成果。
平时好多时都系上去Lunch食个红米饭，而家有少少怕人多，刻意等到1430上去Tea ,闲日既Tea Time 舖头会比较少人，坐低左二话不说就同女人一人叫一份Tea set 既窝夫(香蕉味同原味)，每份$38包基本茶啡，特选咖啡就加几蚊至十几蚊。
等左15分钟(即叫即整系咁上下，Tea 得唔赶时间都无乜所谓)，窝夫够热够松，份量亦适中，其实呢只窝夫既Full set版我已经食过N次($68 double 份量加士多啤莉，全日供应)，今日唔肚饿先食Half set。
女人饮左杯姜饼咖啡，痴左啖饮唔太甜几啱口味，如果唔知饮乜咖啡好，你只需同店员讲你既口味，佢就会用心介绍一只match 口味既咖啡俾你。
除左食物外，呢度仲有报纸(经济日报)杂志，舖头无乜人既Tea Time 我先会拎报纸睇(Lunch Time就免费事阻住人番枱)。一个悠闲既下午就无声无色咁响呢度过左三分一。
姜饼咖啡
33 浏览
1 赞好
0 留言
原味窝夫
37 浏览
1 赞好
0 留言
香蕉窝夫
26 浏览
0 赞好
0 留言
张贴
