Hungry Lobster (已結業)

今日串烧三姊妹出动为我庆生😊🎉 商议过后终于决定一试老三都赞好喺登龙街嘅长龙店Hungry Lobster..由于我哋好晏先订枱我哋都预咗无位.. 点知俾我哋成功订到位...我哋仲满心欢喜😋觉得好好彩..终于有机会试到...七点半踏入餐厅...我系第一个客人🤔 感觉非常奇怪.. 呢个时间平时经过门口系排晒队㗎嘛👯👫👭咁我就同侍应生讲订左三位啦..佢叫我随便拣位坐啦... 跟住侍应生放低左三杯水... 老二就到啦... 佢饮咗啖水面色一变..就问我有冇饮到有牛油味 ... 咁我就闻下啦.... 牛油味非常浓郁😰龙虾包牛扒组合 $378 原本套餐系有得拣肉眼西冷同埋牛小排嘅..不过唔好意思是日是可以有西冷..我哋叫咗medium rare... 跟变咗well done.. 由于真系好硬所以我哋要求换.. 之后嚟咗一块七成既😪当时我觉得有啲对唔住之前嘅全熟𠮶块牛扒😐饥饿龙虾全餐 $728 除咗所有野都唔太热之外味道都算系OK嘅.. 龙虾汤非常浓郁.. 龙虾包水准一般... 龙虾意粉系值得推介嘅... 不过我哋唔会再去😉暂时未有酒精饮品供应.. 只有果汁同埋汽水#为食滑嘟嘟 #腌尖的Van