泰邊爐 (已結業)

今日揾个朋友系旺角食野，跟住周围行揾地方食野，跟住收到呢间餐厅嘅传单，朋友话平平地想去试下，于是走左入去试下。跟住经店员介绍，原来餐厅系岩岩开业,不过由于我地第一次食泰式火锅，而且餐厅装修都几有特色，所以有啲期待 前菜餐厅唔系净系食任食边炉架，仲有好多唔同嘅前菜！而且连生菜包都系任食架，生菜包嘅肉一啲都唔会干身，啖啖都好惹味，而且连生菜都够晒新鲜，餐厅果然系够泰式风味。牛肩肉拼盘牛肩肉首先切得够好，肉嘅颜色够鲜色艳，份量亦都好足唔会太小，煮完之后肉味够浓，又够嫩海鲜拼盘海鲜拼盘里面有蚝，有鲍鱼，有蛏子仲有半条乌头，真系超级丰富架！特别系乌头，乌头入口唔会霉，肉质真系唔错，餐厅应该系即日开嘅鱼，味道够鲜味，唔会煮完一夹就散晒。任食肉类肥牛等肉类都算质素唔错，每次出嘅份量又够，味道都算唔错，唔会净系得雪味甜品餐厅有提供几款泰式甜品，俾客人从头到尾都有泰式享受我最钟意嘅就系糯米饭同埋大菜糕，糯米饭软度岩岩好，配埋餐厅自家制芒果椰汁，真系好食到停唔到大菜糕唔会太甜，入口口感唔错又唔会太软身，而且形状成朵玫瑰咁真系好靓二个人每人两百蚊已经食到饱晒，真系好满足，揾日再黎食先得