泰式食

营业中

休息中

好耐都无去过铜锣湾金伯利食野了，哩度长久以来都食店林立，朋友们最后决定去8/F度食泰国菜，餐厅环境宽大宁静，划分左不同主题区域，如果情侣二人来，餐厅会安排坐外形似山洞内的二人枱，唔想甘浪漫，旁边会有些四人卡位枱，带位小姐安排我地坐大厅长枱，我地研究叫咩食物时，其中一个朋友因为太肚饿，所以唔理三七二十一叫左碟海南鸡，话食住慢慢等我地谂，我地最后拍板要明炉青柠烤鱼、烧羊扒南瓜汁及猪肉炒干河粉。我地未落完单，海南鸡便到了，一碟有半只鸡既份量，旁边有兜橙色既泰式酱汁，点住黎食，酸咪咪又带点辣会更加开胃及好味。跟住炒河粉接住上，宽身的泰国河粉味道炒得刚刚好，唔会太咸，加上配料有西兰花和椰菜花，唔洗净系食肉甘单调。店员小心翼翼地送上青柠烤鱼，器皿下面有个小火炉热住，朋友们食得都很开怀，还另外再叫了个白饭去配食，羊架接住黎埋，好多南瓜汁，羊架食落好淋身，南瓜汁内仲有些炸芋头，D汁捞饭食一流，我地个个都食到好饱。