Ocio (積存街) (已結業)

大女话一齐食午餐，我哋唔想喺区内食，但系又唔想坐咁耐车，就拣咗搭几个火车站嘅大围小店其实呢度都唔系第一次嚟，好钟意门口嘅蓝色门，仲有一格格嘅玻璃窗。小店走工业风，砖墙，大黑板，乌丝灯胆，仲有贯彻门口嘅蓝色做装饰。拣咗两个set lunch，先来大蒜薯仔汤， 唔会话好一般嘅红汤，白汤，好味西冷牛扒伴烧汁配意粉，牛扒表面烧得好靓，食落好香牛味，我哋要求七成熟，刚刚好，唔会话好生，但系又唔会话过熟，易切，啱晒我哋嘅要求，仲配咗新鲜沙律菜汉堡扒煎蛋窝夫早餐，一嚟到我哋即刻心心眼，摆得好靓。 汉堡扒绝对系水准之作，切开唔会话又淋又散，味道浓郁，煎蛋卖相也很好，蛋黄刚刚熟，仲有窝夫，肠仔，蕃茄，沙律菜，茄汁豆，好丰富呀见到可以用$39追加五只蜜糖蒜香鸡翼，好抵㖞，即场制作，新鲜热辣，蒜香加上蜜糖，冇得输，非常惹味，鸡翼里面仲好嫩滑 Set lunch包饮品，加$19配特饮，阿女叫咗杯Mocha，阿妈平时唔系好饮咖啡都嗌咗杯Latte嚟衬返佢，好香咖啡味。本来我哋见到个餐牌仲想叫甜品雪山，不过真心饱，唔好嘥嘢，揾日再嚟过啦。