恆香冰室

营业中

休息中

去上环永安百货行街街，顺便去附近医肚。冰室系新开张嘅，内里装修光猛，店员态度殷勤，好热情过黎介绍食物😄✨日式照烧海陆空～海陆空即系鳗鱼、牛仔骨、鸡扒，鳗鱼虽然唔算好大件，胜在都几肉厚，入口juicy，牛仔骨有三大件，整得嫩滑，无咩筋，小朋友都食到，鸡扒用上去骨鸡上脾肉，食落啖啖肉而且冇雪味。有三款汁类可以拣，我拣咗照烧汁，甜甜地，配埋炸薯条一流😄个set配上牛油多士、罗宋汤仲有一份冻饮添！CP值高。见到门口好多人买紧老婆饼同埋面包，餐厅里有个大焗炉每日新鲜出炉，我都忍唔到买咗个返屋企，老婆饼表面好香脆，内里莲蓉唔算太甜而且有拉丝，好高质。