Tivoli 意大利餐廳

营业中

休息中

星期五又到左我哋返脚出动嘅时候喇，今次同同事拣咗呢一间喺公司附近嘅意大利餐厅，佢入面成日都好似黑蚊蚊咁，但系个感觉就好似以前细细个好期待去食圣诞大餐嘅餐厅。平时行过觉得佢好似好贵，但系睇到个餐牌其实个价钱真系唔算贵。我叫咗个焗菠菜鱼柳饭，同事就叫咗焗海鲜饭，吞拿鱼意粉，牛柳餐，火腿温泉蛋意粉。同事叫咗个牛柳餐汁另上，黎到𠮶阵时个汁冇分开，员工一啲都冇黑面而且仲即刻拎返入去再整过，其中一位叔叔不时同我地倾计，仲主动帮我地揸机影相，十分亲切呀。个焗饭好好味，又够热，好香芝士味，但又唔会抢左鱼味，重点系个鱼柳唔系平价龙利，系啲质素好啲有啲口感既鱼柳，有鱼味，有肉质。而且个汁比例刚刚好，唔会太多或太少，仲有好多波菜。最后点左咖啡，叔叔仲每人俾左粒朱古力我地，话以前传统餐厅会咁做，杯咖啡会好饮啲。食物同服务都好满意呀，而且重搭了童年的回忆，香港仲有几多餐厅会有人情味。下次一定再黎！