泰巧船粉 (已結業)

呢间泰国嘢一直都系做外卖生意，主要都系有小食、饭、汤/炒粉面，价钱相宜，而且出餐速度都算快。夜晚都开到10点半左右先收舖，有时谂唔到要食咩都会去买碗粉食。冬荫功海鲜汤金边粉 $50本身已经自动帮你分咗汤，所以时间耐咗金边粉会变成一饼，要少少时间浸返开。汤入面有生菜、菇、蟹柳、鱿鱼、虾仁，味道酸酸地但唔算辣，但食落真系好开胃，最后都会忍唔住饮晒啲汤份量方面对于女仔嚟讲应该会啱啱好，如果系男仔嘅话可能要加返个小食或者加底。店入面嘅叔叔姨姨态度都好好、好亲切，出餐效率都快，所以晏昼/夜晚收工谂唔到食乜嘢嘅时候呢间都会系我嘅心水之一！